Beck Marcel aus Gerlafingen

Hallo Mittuland Mir si d`Familie Beck. Mama Selina, Papa Marcel und üsi Tochter Alea. Im 2019 hei mir üs üse Troum vom eigete chliine Hüsli realisiert. S`Huus het me 1946 erbout und isch vo sim Vorbesitzer guet pflegt worde. D`chuchi isch ca 30 Johr aut. Sicher isch si mou Modärn gsi und het gfaue , jetz sett si aber faue... Jetz isches zit für öbis Neus, drum chömet doch zu eus. Da mir sehr gärn choche und natürli ou Ässe, wär das au i üsem inträsse. Wöu d`chuchi e zentrali Roue spöut, hoffe mir dass dr ChuchiFuchs ou üse troum erföut. Bide Chuchigrät weis me nie wenn sletschte stündli schloht, drum hole mir lieber vorhär euch is Boot. Wies bimene aute Huus so isch, gits immer öbis zdue, und me chunnt nid so schnäu zur rueh. Handwärchlich simer nid grad unbegabt aber a Umbou vor Chuchi würde mir üs nid troue, aber mir würde liebend gärn häufe die auti zäme houe 😉 Bim Radio32 wettbewärb simer mit drbi, mir hoffe dir chömet bi üs verbi. Fam. Beck würd de Handwärcher natürli ou Kaffi und Chueche Offeriere wenn sie drfür üsi Chuchi Optimiere. Stimmet aui schön ab, dass es au mit dr nöie Chuchi klappt.